Kom plat praoten bie de historische vereniging Wijhe

Veur de leste maol in dit jaor dut de Historische Vereneging Wieje de deuren lös van ’t Dialectcafé. Op woensdag 20 november is ut zo wied.

Van 10.00 tut 12.00 uur schoeft ze met mekare an de grote taofel en hebt ut d’r aover. Plat praoten met een köppie koffie/thee en een keukie. Mangs spölt ze ok nog een spellegie of doet ze een klein kwissie.

Iej wördt eneugd om binnen te kommen! Kost oe niks, een vrieje gift stelt ze op pries: ok an de Langstraote 52 in Wieje mut de schössteenpiepe roken.